Lehengo urtean burutu genuen bezalaxe, aurten ere Tolosako Sanblaspiko Gazte Asanbladak, Maiatza gorria burutzeko hautua egin du. Hilabete honetan zehar, gaia ezberdinak landuko direlarik, krisia, nekazaritzaren egoera, inmigrazioa…
Hitzaldi hauen xedea, Tolosako herritarren, eta batez ere, gazteen artean kontzientzia piztea da. Momentu honetan krisia gora eta krisia behera, beste gauzarik entzuten ez dela, Gazte Asanbladatik argi ikusten dugu, ezin dugula ezer egin gabe geratu, inoiz baino arrazoi gehiagorekin, aurre egin behar diogula, miseria besterik eragiten ez duen sistema kapitalista honi.
Arrazoi honegatik deia luzatu nahi diegu, Euskal herritar guztiei, hitzaldi hauetan parte har dezaten, pixkanaka- pixkanaka denok batera, sistema olagarro honen aurkako harresiaren lehen adreiluak ezartzeko.
Lehenengo adreilua, Apirilaren 29an ipiniko dugu, Maiatzak 1aren gertutasuna dela eta, ezkerreko eragile eta sindikatu ezberdinek: LAB, ELA, CNT, Boltxe, EH Sozialistak, arratsaldeko 6:30etan Tolosako Kultur-etxean emango duten eztabaidarekin. Landuko diren gaiak, Krisia, Langile mugimendua eta alternatibak izango dira eta bertara hurbiltzea gonbidatzen dizuegu.
Maiatzak 1ean, Langile egunean, goizeko mobilizaziotara parte hartzera gonbidatzen zaituegu (ez geatu oihen motel!) eta arratsaldean, Otsabin, Kontzertuak izango ditugu 18:30tan. Peachy Joke tolosarrak, Susa andoaindarrak eta Maldan Behera gasteiztarrak izango ditugu eszenatokian, azken hauek oraindik konfirmatzeko baldin badaude ere.
Astea bukatzeko, larunbatean Otsabin arratsaldeko sei t'erditan bideoforuma izango dugu, "Gelditzea badago - Pararlo es posible" dokumentalarekin. Bideo honek, Italian egon ziren AHTren aurkako mobilizazioen ondorioz proiektua bertan behera uztea nola lortu zuten azaltzen du.
Ta besterik gabe, jakin dezazuela Maiatzean zehar gauza gehiago egongo direla.
ANIMATU TA ETORRI!!
SANBLASPIKO GAZTE ASANBLADA
Hurrengo larunbatean, Azaroak 29, Futbolin txapelketa izango dugu Otsabin gazte asanbladak antolatua. Txapelketa arratsaldeko 16.00etan izango da, parte hartu nahi duten bikoteek bertan egon behar dute ordurako, izena eman eta zozketan parte hartzeko. Ondoren txapelketa hasiko da, bikote garaile bat izan arte. Irabazleek Denak tabernan afaria izango dute sari bezela guztion artean mereziko duten errespetuaz gain.
Sinaltrail sindikatu kolonbiarrak Coca Colaren aurka boikot egitera deitu zion nazioarteari duela bost urte. Sindikalistei mehatxuak egiteaz, paramilitarrak finantziatzeaz eta hildakoak eragiteaz, sindikalizatzea oztopatzea eta lan baldintza kaxkarrak bultzatzea izan ziren arrazoi nagusietako batzuk nazioarteari elkartasun deialdi hau egiteko. Duela egun gutxi mehatxu berriak iritsi zaie langilei eta aurten dagoeneko 24 sindikalista hil dituzte Kolonbian. Egun horretan, mobilizazio eta ekimen ezberdinak izango dira Euskal Herrian zehar, Kamaradak gazte internazionalisten sarearen arabera.
